ЗҮГ · Зөвлөх Үйлчилгээ
Буруу баригдсан байшинг хэн ч хариуцахгүй байна уу?
Асуудлыг мэргэжлийн түвшинд оношилж, норм стандартаар нотлож, засварын шийдлийг гаргаад, хохирлоо барагдуулах хүртэл тань дэргэд ажиллана. Бүх ажил зөвлөх үйлчилгээний гэрээний үндсэн дээр хэрэгжинэ.
БНбД
Норм, стандартад тулгуурласан дүгнэлт
Гэрээгээр
Үнэ, хугацаа, үр дүн урьдчилан тодорхой
Дуустал
Үзлэгээс засварын хяналт хүртэл нэг гарт
Үйлчилгээний зорилго
Асуудлыг оношлох
Барилгын нөхцөл байдлыг иж бүрнээр үнэлнэ.
Эрсдэл, алдааг тодорхойлох
Инженерийн дүгнэлтээр алдаа, доголдол, эрсдэлийг илрүүлнэ.
Засварын шийдэл боловсруулах
Техникийн болон эдийн засгийн оновчтой шийдлийг санал болгоно.
Эрх ашгийг хамгаалах
Хохирол барагдуулах үйл явцад мэргэжлийн дэмжлэг үзүүлнэ.
Үйлчилгээ ба үнэ
2026 оны тариф. Үнэ нь НӨАТ-гүй бөгөөд Улаанбаатар хот доторх объектод хамаарна. Орон нутгийн зам, байрны зардлыг гэрээнд тусад нь тусгана.
Зөвлөх үйлчилгээ
1,500,000₮
Асуудлыг мэргэжлийн нүдээр хараад, ямар дүгнэлт, ямар арга хэмжээ шаардлагатайг тодорхойлно.
- Анхны уулзалт, асуудлыг сонсох
- Байгаа зураг төсөл, гэрээ, актыг хянан үзэх
- Нэг удаагийн газар дээрх ерөнхий үзлэг
- Дараагийн алхмын талаар бичгээр өгөх зөвлөмж
Суурийн үзлэг, дүгнэлт
2,100,000₮
Суурь, буурь хөрсний байдалд чиглэсэн үзлэг хийж, гэмтлийн шалтгаан, эрсдэлийн зэргийг тогтооно.
- Суурийн ил ухалт бүхий үзлэг (шаардлагатай цэгүүдэд)
- Суулгалтын гүн, огтлол, арматурчлалын байдлыг тодорхойлох
- Буурь хөрс, хөлдөлтийн гүн, ус зайлуулалтын үнэлгээ
- Зураг, хэмжилт бүхий үзлэгийн дүгнэлт
Мэргэшсэн инженерийн дүгнэлт
2,500,000₮
Мэргэшсэн инженерийн гарын үсэг бүхий дүгнэлт — норм, стандартын зөрчлийг албан ёсоор баталгаажуулна.
- Бүтээцийн үзлэг, хэмжилт
- БНбД-ийн заалттай тулгасан зөрчлийн жагсаалт
- Мэргэшсэн инженерийн баталгаажсан дүгнэлт
Зөвлөх инженерийн дүгнэлт
3,500,000₮
Зөвлөх инженерийн зэрэгтэй мэргэжилтний дүгнэлт, засварын зарчмын шийдлийн хамт.
- Бүтээцийн даац, тогтвортой байдлын үнэлгээ
- Зөвлөх инженерийн баталгаажсан дүгнэлт
- Хүчитгэл, засварын зарчмын шийдэл
Экспертийн дүгнэлт
5,000,000₮
Холбогдох эрх бүхий байгууллагатай хамтран гаргах экспертийн дүгнэлт — маргаан, шүүхийн шатанд хүчинтэй.
- Иж бүрэн үзлэг, шаардлагатай сорил, хэмжилт
- Эрх бүхий байгууллагатай хамтарсан экспертийн дүгнэлт
- Маргаан, шүүхийн шатанд ашиглах нотлох баримтын бүрдэл
Техникийн дүгнэлт гаргуулах
5,500,000₮
Иж бүрэн багц: үзлэг, техникийн дүгнэлт, шаардлагатай мэргэжлийн дүгнэлтүүд, засвар хүчитгэлийн ажлын зураг.
- Барилгын гүйцэтгэлийн техникийн дүгнэлт (бат бэх, аюулгүй байдал, норм нийцэл)
- Илэрсэн алдаа, дутагдлыг засах зөвлөмж, засварын төсөв
- Шаардлагатай бол мэргэжлийн инженерийн дүгнэлт гаргуулах
- Шаардлагатай бол экспертийн дүгнэлт гаргуулах (холбогдох байгууллагатай хамтран)
- Хүчитгэлийн ажлын зураг, засварын ажлын явцын хяналт
Хэрхэн ажилладаг вэ?
Захиалгаас засварын хяналт хүртэл 6 үе шат
Захиалга ба анхны уулзалт
Сайтаар захиалга илгээнэ. Ажлын 1 хоногийн дотор холбогдож, зорилго, хүрэх үр дүнг тодорхойлно.
Гэрээ байгуулах
Үйлчилгээний хүрээ, үнэ, хугацааг тохирч гэрээ байгуулна. Урьдчилгаа төлөгдсөнөөр ажил эхэлнэ.
Барилгын шинжилгээ
Талбай дээр үзлэг хийж, баримт бичиг, зураг төсөлтэй тулган шалгана.
Техникийн дүгнэлт
Инженер, архитекторын иж бүрэн дүгнэлтээр алдаа, доголдол, эрсдэлийг тогтооно.
Засварын шийдэл, төсөв
Хүчитгэл, сайжруулалтын ажлын зураг, ажлын хэмжээ, зардлын тооцоог боловсруулна.
Хэрэгжилтийг дагах
Засварын ажлын явцад зөвлөгөө, чиглүүлэг өгч, хэрэгжилтийг хянана.
Хэрэгжсэн ажил
Гачууртын эцэс — суурь өргөгдөж, хаалга нээгдэхээ больсон байшин
Улаанбаатар хот, Баянзүрх дүүрэг, 33-р хороо, Шар хоолойн Бага аманд 2024 онд аж ахуйн аргаар баригдсан хөнгөн модон каркасан (Канад технологи) амины орон сууц. Суурь цуурч, барилга жигд бус өргөгдсөнөөс хаалга нээгдэхээ болих хэмжээнд хүрсэн байдалтай захиалагч ЗҮГ-т хандсан.
Суурийн гүн 40–60 см
Улаанбаатар орчмын хөрсний улирлын хөлдөлтийн гүн 2.5–3.2 м байдаг (БНбД 50-01-16, 23-01-09). Суурь хөлдөлтийн гүнээс дээш байрласнаар хүйтний овойлтод өртөж, барилга жигд бус өргөгдөх эрсдэлтэй болсон.
Арматургүй шугаман суурь
600х200 мм огтлолтой бетон суурийг арматургүй цутгасан нь БНбД 52-01-10-ийн шаардлагыг зөрчсөн. Бетон нь шахалтыг даах боловч гулзайлтыг тэсвэрлэдэггүй тул суурь цуурсан.
Хайрган дэвсгэр, дренажгүй
Хар хөрсөн дээр суулгаж, ухалтаас гарсан хар хөрсөөр буцаан булсан. Овойдоггүй материалаар дэвсгэр хийгээгүй, ус зайлуулах систем төлөвлөөгүй (БНбД 50-02-11).
Гаргасан шийдэл
- Хэсэгчилсэн ухалтаар 12 байрлалд 1200х800х300 мм төмөр бетон дэр цутгаж, 1200х200х600 мм хүчитгэлийн ханыг ф12АIII арматур, химийн анкераар хуучин суурьтай холбож цутгах.
- Барилгын периметр дагуу 1.2 м өргөн, 100 мм зузаан хатуу полистирол (XPS) хэвтээ дулаалга хийж, суурийн доорх хөрсний температурыг 0 хэмээс дээш барих.
- Ухсан сувгийг зөвхөн овойдоггүй угаасан хайрга, дайргаар үечлэн нягтруулан дүүргэх.
- Суурийн улны түвшинд цоолбортой дренажийн хоолой налуутай байрлуулж, эргэн тойронд налуутай бетон хаяавч хийх.
Ажлын хураангуй
- Үйлчилгээ
- Техникийн дүгнэлт гаргуулах
- Гэрээний үнэ
- 5,500,000₮
- Хугацаа
- 2026.04.20 – 06.05 (1 сар 15 хоног)
- Хүлээлгэн өгсөн
- Техникийн дүгнэлт, хүчитгэлийн ажлын зураг
- Гүйцэтгэсэн
- Архитектор-инженер Ч.Батцэнгэл, зөвлөх инженер Л.Сэр-Од
Гэрээний нууцлалын заалтын дагуу захиалагчийн хувийн мэдээллийг нийтлээгүй болно.
Гэрээний үндсэн нөхцөл
Бүх ажил захиалагчтай байгуулсан зөвлөх үйлчилгээний гэрээний үндсэн дээр хэрэгжинэ. Гэрээг цаасан болон цахим хэлбэрээр (тоон гарын үсгээр) байгуулж болно.
Төлбөрийн үе шат
- 70%Гэрээ байгуулснаас хойш 3 ажлын хоногийн дотор
- 20%Дүгнэлт, зөвлөмжийг хүлээлгэн өгсний дараа 5 ажлын хоногийн дотор
- 10%Захиалагч бүрэн хүлээн авсны дараа 5 ажлын хоногийн дотор
Хугацаа, хүлээн авалт
- Захиалагч шаардлагатай бичиг баримт, нэвтрэх эрхийг 3 ажлын хоногт хангана.
- Үр дүнг бичгээр буюу цахимаар хүлээлгэн өгнө.
- Захиалагч 5 ажлын хоногийн дотор хүлээн авах эсэхээ мэдэгдэнэ.
- Хугацааг сунгах шаардлага гарвал нэмэлт гэрээгээр баталгаажуулна.
- Экспертийн шаардлагаар гэрээнд тусгаагүй нэмэлт үзлэг, ил ухалт, сорил шинжилгээ хийх бол хүрээ, үнэ, хугацааг тусад нь тохирч нэмэлт гэрээгээр шийдвэрлэнэ.
Нууцлал, хариуцлага
- Талууд гэрээний хүрээнд авсан мэдээллийг гуравдагч этгээдэд задруулахгүй.
- Дүгнэлт, тайлангийн зохиогчийн эрх гүйцэтгэгчид хамаарна.
- Гүйцэтгэгч Барилгын тухай хууль, холбогдох норм стандартыг чанд мөрдөнө.
- Маргааныг эхлээд харилцан тохиролцож шийдвэрлэнэ.
Мэргэжлийн дүгнэлт
Норм, дүрэм, стандартад үндэслэсэн хараат бус, бодит дүгнэлт.
Оновчтой засварын шийдэл
Аюулгүй, бат бэх, эдийн засгийн хувьд үр ашигтай шийдлийг мэргэжлийн үндэслэлтэйгээр танилцуулна.
Хохирол барагдуулахад дэмжлэг үзүүлнэ
Гүйцэтгэгчийн алдаа, чанарын доголдлоос үүссэн хохирлыг барагдуулахад захиалагчийн эрх ашгийг хамгаална.
Захиалга өгөх
3 алхамд бөглөнө. Захиалгын дугаар шууд үүсэх бөгөөд ажлын 1 хоногийн дотор мэргэжилтэн тантай холбогдоно.
Ямар үйлчилгээ авах вэ?
Мэдэхгүй бол «Тодорхойгүй» гэснийг сонгоно уу — уулзалтын дараа хамтдаа тодорхойлно.
Түгээмэл асуулт
Дүгнэлт шүүхэд хүчинтэй юу?+
Мэргэшсэн болон зөвлөх инженерийн дүгнэлт нь маргаан шийдвэрлэх, хэлэлцээ хийхэд нотлох баримт болно. Шүүх, арбитрын шатанд хамгийн бат нотолгоо шаардлагатай бол эрх бүхий байгууллагатай хамтран экспертийн дүгнэлт гаргуулна.
Ямар үйлчилгээг сонгохоо мэдэхгүй байвал яах вэ?+
Захиалгын маягт дээр "Тодорхойгүй" гэснийг сонгоод асуудлаа тайлбарлаарай. Бид анхны уулзалтын дараа шаардлагатай дүгнэлтийн төрлийг тодорхойлж, тодорхой үнийн санал өгнө.
Хөдөө орон нутагт ажилладаг уу?+
Тийм. Улаанбаатараас гадуур объектын хувьд зам, байрны зардлыг гэрээнд тусад нь тусгаж, урьдчилан бичгээр тохирдог.
Зураг төсөл, гэрээ байхгүй бол дүгнэлт гарах уу?+
Гарна. Ийм тохиолдолд газар дээрх үзлэг, хэмжилт, ил ухалтад тулгуурлан бодит байдлыг тогтоодог. Баримт бичиг байвал шинжилгээ илүү нарийвчлалтай, хугацаа богино болно.
Дүгнэлт гарсны дараа засварыг нь та бүхэн хийж өгөх үү?+
Хүчитгэл, засварын ажлын зураг, төсвийг бид боловсруулна. Гүйцэтгэлийн ажлыг захиалагч өөрөө сонгосон гүйцэтгэгчээр хийлгэх бөгөөд бид ажлын явцад зөвлөгөө өгч, хяналт тавина.
Яагаад бидэнтэй хамтрах вэ?
Аюулгүй, чанартай амьдрах орчин
Шийдлийн зөв сонголт
Хэрэггүй зардлын алдагдлаас хамгаална
Мэргэжлийн, хараат бус, итгэлтэй дүгнэлт
Таны эрх ашгийг бүрэн хамгаална
Танилцуулга
“Зөв үнэлгээ. Зөв шийдэл. Зөв үр дүн.”
Буруу баригдсан барилга өнөөдрийн асуудал — ЗҮГ үйлчилгээ маргаашийн шийдэл!
Холбоо барих
ЗҮГ үйлчилгээний талаар дэлгэрэнгүй мэдээлэл авах