Ачааг мод даана.Дулааныг EPS хамгаална.
EW бол Канад, Японы биш, Монгол залуусын өөрсдийн туршлага, туршилтаас төрсөн барилгын систем. Жинхэнэ модон байшингийн дулаан уур амьсгал, модны үнэрийг хадгалж, эрс тэс хүйтэнд дулаанаа алдахгүй байхаар шийдсэн.
- 476
- мм · Гадна хананы зузаанзураг төсөл
- 0.096
- Вт/м²K · Гадна хананы U-утгатооцоо
- 55
- ажлын өдөр · Угсралтын хугацаатооцоо
EW гэж юу вэ
Шинэ материал биш, шинэ шийдэл
EW-ийг SIP технологитой зүйрлэж ойлгох гэж оролдох хүн олон. Гэвч энэ хоёр нь зарчмаараа ялгаатай. SIP-д дулаалга хоёр хавтангийн дунд хавчуулагдаж, тэр хавтан өөрөө ачаа даадаг. Харин EW-д ачааг модон хүрээ даана, дулаалга нь барилгыг гаднаас нь тасралтгүй ороодог бүрхүүл болно.
Бидний ашигладаг мод, EPS хөөсөнцөр, мембран, хонины ноос нь Монголын барилгын салбарт олон жил хэрэглэгдэж, найдвартай нь батлагдсан, дотоодод олдоцтой материал. Инноваци нь материалд биш, тэдгээрийг хослуулж, холбож, угсардаг арга зарчимд оршдог.
Дулаалга бүхэлдээ гадна талд байгаа учраас модон хүрээ үргэлж дулаан талдаа үлддэг. Шүүдэр модонд биш, EPS дотор үүсэх тул мод чийгшиж муудах эрсдэл багасна.
Гадна хананы давхарга
гаднаас дотогш · 476 мм- 1.Чулуун бүтэцтэй гадна өнгөлгөөТортой шавардлага дээр
- 2.EPS хөөсөнцөр, 300 ммХаныг гаднаас нь тасралтгүй ороодог
- 3.Агаар, уурын хаалтын мембранХэт ягаан туяанд тэсвэртэй, заадас нь туузаар битүүмжилсэн
- 4.Модон хүрээ, 135×145Ачааг даана; багана хоорондын алхам ≤1.5 м
- 5.Хонины ноос, 70 ммДотор талын нэмэлт дулаалга
- 6.Мод эсвэл гипс хавтанМодон багана дотор талдаа ил харагдана
Хавтангийн зүсэлт, холболт, зангилааны шийдлийг энд нийтлээгүй. Тэдгээр нь оюуны өмчөөр хамгаалагдсан бөгөөд зөвхөн лицензтэй гүйцэтгэгчид олгогдоно.
Харьцуулалт
SIP-ээс юугаараа ялгаатай вэ
Хэрхэн баригддаг вэ
Доороос дээш: долоон давхарга
Байшинг бүрдүүлэх хэсгүүдээр нь задалж харуулав: юу юун дээр суудаг, хаана байрладаг. Барих дарааллыг доорх таван алхмаас үзнэ үү.
- 1Суурийн дэвсгэрДайрга, хайрга, багсармал — давхарга бүрийг нягтруулна
- 2Дулаалгатай хавтан суурьEPS 300 мм дээр 150 мм төмөр бетон хавтан
- 3Модон хүрээБагана 135×145, алхам ≤1.5 м; дээгүүр бүслүүр дам нуруу. Ачааг бүхэлд нь даана
- 4Тасралтгүй EPS бүрхүүл, цонхХаныг гаднаас нь 300 мм-ээр ороож шавардана; гурван давхар шилтэй цонх
- 5Дээврийн бүтээцНоён нуруу, 27° налуу дам нуруу
- 6Дээврийн дулаалгаДам нурууны дээгүүр, агааржуулалттай
- 7Дээврийн хучилтБитум хавтанцар, модон хаалт, ус зайлуулах суваг
- 4-р давхарга нь EW-ийн гол ялгаа. Түүний зүсэлт, холболт, зангилааг лицензтэй гүйцэтгэгчид л олгоно.
Таван алхамд: модон хүрээнээс бэлэн байшин хүртэл
Дүрслэл нь ерөнхий дарааллыг харуулна. Ажлын нарийвчилсан дараалал, хяналтын цэгүүд нь лицензийн материалд багтана.
1Модон хүрээ
Дулаалгатай хавтан суурин дээр багана, дам нуруу, ноён нуруу, дээврийн хөндлөвч босно. Ачааг бүхэлд нь мод даана.
2Дээвэр, цонх
Дээвэр хаагдаж, гурван давхар шилтэй цонх модон хүрээндээ сууна. Хур тунадаснаас хамгаалагдсаны дараа дулаалгын ажил эхэлнэ.
3EPS бүрхүүл
Барилгыг гаднаас нь тасралтгүй EPS бүрхүүлээр ороож, хүйтний гүүрийг хаана. EW-ийн гол ялгаа, оюуны өмч энэ алхамд байна.
4Гадна өнгөлгөө, тохижилт
Шавардлага, модон хаалт, дээврийн хавтанцар; тавцан, зам талбай, нарны эрчим хүчний систем.
5Бэлэн байшин
Гаднаа цэвэрхэн, дотроо модон. Агаар нэвтрэлтийн (blower-door) туршилтаар хүлээн авна.
Суурь
Дулаалгатай хавтан суурь: дулаан доороос нь эхэлнэ
Бетон хавтан бүхэлдээ 300 мм EPS дээр, хөрсөнд хүрэлгүй сууна. Суурийн ирмэгийн EPS нь хананы бүрхүүлтэй үргэлжилдэг тул барилга доороо ч, ирмэгээрээ ч хүйтний гүүргүй. Ирмэгийг газрын хөлдөлтөөс XPS далавч, усыг тойруулсан дренаж хамгаална.
Зургийг хажуу тийш гүйлгэж харна уу
Суурийн ирмэгийн зүсэлт, масштабтай. Алтан тасархай шугам: дулаалгын тасралтгүй бүрхүүл.
- 1Модон багана 135×145Модон хүрээ хавтан дээр суурилна
- 2Битум / EPDM тусгаарлагчМодыг бетоны чийгнээс тусгаарлана
- 3Хананы EPS бүрхүүлИрмэгийн EPS-тэй үргэлжилж, хүйтний гүүргүй холбогдоно
- 4Бараан эпокси шал, 3 ммНарны дулааныг шингээж, хавтанд хуримтлуулна
- 5Төмөр бетон хавтан, 150 ммM300 (B22.5), F150, W6; Ø10 A400 дээд, доод тор
- 6EPS хөөсөнцөр, 300 ммДаац ≥150 кПа (EPS 150); ирмэгээр босоо EPS-тэй
- 7Плантер мембранHDPE, товгор тал нь доошоо; чийгнээс хамгаална
- 8Хуурай багсармал, 50 ммТэгшлэх давхарга
- 9Нарийн хайрга 05, 100 ммНягтруулна
- 10Хайрга, 200 ммНягтруулна
- 11Дайрга, 300 ммНягтруулна; ургамлын хөрсийг бүрэн хуулсны дараа
- 12XPS хэвтээ далавчСуурийн ирмэгийг газрын хөлдөлтөөс хамгаална
- 13Дренаж хоолой Ø110Байшинг тойруулж, гадаргын усыг 2%-ийн налуугаар зайлуулна
Газрын налуугаар суурь сонгох
БУ-6 · зардал нь хавтан суурьтай харьцуулсан урьдчилсан таамаг
| Налуу | Шийдэл | Шал газраас | Зардал |
|---|---|---|---|
| ≤ 3% | Дулаалгатай хавтан суурь шууд | 0.45 м | 1.0 |
| 3–8% | Ухалт, дүүргэлтээр тэгшилсэн дэр + хавтан | 0.45 м | 1.0 |
| 8–15% | Туузан цокол + хавтан | 0.45–1.0 м | 1.2–1.4 |
| > 15% | Шураг, багана суурь, өргөсөн модон шал | ≥ 0.6 м | 0.9–1.1 + шал |
Барихын өмнө заавал
- Инженер геологийн судалгаагаар хөрсөө тодорхойлж, сонгосон суурийг бүтээцийн тооцоогоор баталгаажуулна.
- Ургамлын хөрсийг 0.3 м-ээр хуулж, дэрийн давхарга бүрийг нягтруулна. Дүүргэлтэд шавар, ургамлын хөрс хэрэглэхгүй.
- Бетоныг +5°C-ээс доош хүйтэнд халаалтгүй цутгахгүй; 7 хоног чийгээр арчилж бэхжүүлнэ.
Шал = дулааны нөөц
Нарны дулааныг ханан пийшин шиг хадгалдаг шал
Ханан пийшин галын дулааныг тоосгондоо шингээж, гал унтарсны дараа ч удаан дулаацуулдаг. EW-ийн шал ч яг ингэж ажиллана, зөвхөн гал биш нар халаана.
Өвөл нар нам, үд дунд 18.7° өндөрт байдаг тул урд зүг рүү харсан том цонхоор орсон туяа өрөөний гүн хүртэл бараан эпокси шалыг гэрэлтүүлнэ. Бараан гадаргуу нарны дулааныг сайн шингээж, доорх 150 мм бетон хавтан түүнийг өдрийн турш хуримтлуулна. Орой нар жаргасны дараа хавтан тэр дулаанаа өрөөнд аажмаар буцааж өгнө.
Хавтан доороо 300 мм EPS-тэй учраас хуримтлуулсан дулаан газар руу алдагдахгүй, зөвхөн өрөө рүү буцна. Зун нар өндөр (65.5°) тул цонхны дээрх 600 мм салхивч туяаг хааж, өрөөг хэт халахаас сэргийлнэ.
Зургийг хажуу тийш гүйлгэж харна уу
Урд хаалтын зүсэлт, масштабтай · Улаанбаатар, үд дунд · БА-11
- ≈7.8кВт·ц / °C
- Хавтан 1°C халах бүрд хуримтлуулах дулаан (13.22 м³ бетон)
- ≈13 212кВт·ц
- Халаалтын улиралд шилээр орох, ашиглагдах нарны дулаан
- ≈7 373кВт·ц/жил
- Халаалтын хэрэгцээ, нарны дулааныг тооцсоны дараа
- 55% / 8%
- Салхивчийн сүүдэр шилэн дээр: 6-р сар / 12-р сар
Үр дүнтэй ажиллахын тулд
- Байшингийн урд хаалтыг урд зүгээс ±15°-ын хүрээнд харуулна. Модон, хөрш байшингийн сүүдэр өвлийн нарыг хаахгүй байх газар сонгоно.
- Нар тусах шалны хэсгийг зузаан хивс, том тавилгаар бүрэхгүй. Хивс дулааныг хавтанд хүргэхгүй.
- Шалны өнгө бараан хэвээр байна. Цайвар шал нарны дулааныг бага шингээнэ.
Шударгаар хэлэхэд
Нарны дулааныг хүнд материалд хуримтлуулах зарчим дэлхийд олон арван жил хэрэглэгдэж ирсэн. EW-ийн шийдэл нь зарчимд биш, хослолд оршино: газраас бүрэн тусгаарласан хавтан, бараан шал, урд зүгийн шил, салхивч дөрвийг Монголын нарны зам, хүйтэнд тохируулан нэг системд тооцсон. Тоо бүр загвар зургийн шатны тооцоо бөгөөд барьсан байшинд хэмжиж баталгаажуулна.
Анхны загвар · EW-88
EW-88 тоогоор
Хүйтэн уур амьсгалд зориулсан нэг давхар амины орон сууц. Ашигтай талбай 82.07 м², барилгын эзлэх талбай 101.2 м², тавцан 23.45 м². Архитектур, бүтээц, агааржуулалт, цахилгаан, нарны эрчим хүч, угсралтын технологи бүхий 40 хуудас зурагтай.
Тоо бүрийн доор түүний үндэслэлийг бичсэн. «Тооцоо» гэдэг нь загвар зургийн шатны тооцоолол, «зорилт» нь хүлээн авахдаа хүрэх ёстой үзүүлэлт. Барьсан байшин дээр хэмжиж баталгаажуулсны дараа хэмжилтийн үр дүнгээр солино.
- Гадна хананы зузаан
- 476мм
- Тасралтгүй EPS бүрхүүл
- 300мм
- Гадна хананы U-утга
- 0.096Вт/м²K
- Налуу дээврийн U-утга
- 0.145Вт/м²K
- Шалны U-утга
- 0.114Вт/м²K
- Цонх, 3 давхар шил
- ≤0.90Вт/м²K
- Халаалтын хэрэгцээ
- ≈90кВт·ц/м²·жил
- Агаар нэвтрэлт (n50)
- ≤1.51/ц
- Угсралтын хугацаа
- 55ажлын өдөр
Оюуны өмч
Харагдах байдлыг нь хуулж болно. Үр дүнг нь хуулж чадахгүй.
EW технологийн үндсэн арга, зарчим нь оюуны өмчөөр хамгаалагдсан. Модон хүрээ барьж, гаднаас нь хөөсөнцөр наах нь хэнд ч боломжтой. Гэвч хүйтний гүүргүй, чийг хуримтлуулахгүй, тооцоолсон дулааны үзүүлэлтэд хүрдэг хана гаргах нь хавтан бүрийн зүсэлт, холболт, зангилаа, угсралтын дарааллаас шалтгаална. Тэр мэдлэг гаднаас харахад үл үзэгдэх бөгөөд зөвхөн лицензтэй гүйцэтгэгчид олгогддог.
Хамгаалагдсан зүйлс
- EW-ийн үндсэн арга, зарчим: модон хүрээ ба гадна EPS бүрхүүлийг нэг систем болгон холбох шийдэл
- EPS хавтангийн зүсэлтийн төрлүүд, хэмжээ, хавтан хоорондын холболт
- Булан, цонхны тойрог, суурь, дээврийн уулзварын зангилааны шийдэл
- Угсралтын дараалал, ажлын хуваарь, чанарын хяналтын цэгүүд
- Загварын 40 хуудас зураг, дулааны болон бүтээцийн тооцоо, төсөв
Хуулийн байдал
EW технологи, түүний ажлын зураг, тооцоо, заавар, «EW» болон «EPS WOOD» нэрийг эзэмшигчийн бичгээр өгсөн зөвшөөрөлгүйгээр хуулбарлах, өөрчлөх, түгээх, арилжааны зорилгоор ашиглахыг Монгол Улсын оюуны өмчийн хууль тогтоомжоор хориглоно.
Зөрчил илэрвэл эзэмшигч хуулийн дагуу хохирлоо нэхэмжилнэ. Зөвшөөрөлгүй гүйцэтгэгчийн барьсан байшинд EW-ийн нэр, баталгаа, техникийн хяналт хамаарахгүй.
- Технологийн нэр, ерөнхий бүтэц, хананы давхаргын материал
- Тооцоолсон дулааны үзүүлэлт, угсралтын хугацаа
- Дүрслэл, харагдах байдал
- EPS хавтангийн зүсэлт, холболт, зангилааны ажлын зураг
- Угсралтын заавар, хяналтын хуудас
- Гүйцэтгэгчийн сургалт, техникийн хяналт
EW-ээр хууль ёсоор хэрхэн барих вэ
- 1
Загвараа сонго
ECO HOME буюу EW-88 загварын нэг үнэ, төсвийн задаргааг үзээрэй.
ECO HOME үзэх - 2
Зургийг хөтөлбөрөөр ав
«Өөрийн Байшин Үндэсний Хөтөлбөр»-өөр зургийн зардлыг 100 хүртэл хүн хуваана.
Хөтөлбөр үзэх - 3
Лицензтэй гүйцэтгэгчээр бариул
Гүйцэтгэгч болох, лиценз авах бол бидэнтэй холбогдоорой.
+976 7788-7374
Зураг төсөл
"Цахим зураг төслийн институт" ХХК
EW-88 загварын 40 хуудас зургийг боловсруулсан. Бидний зорилго бол зүгээр нэг байшин барих биш: өөрийн байшингаа барихыг хүссэн хүн бүрд илүү ухаалаг, хүртээмжтэй шийдлийг хүргэх.
ECO HOME загварыг үзэх