2025 оны 4-р сарын 28
Монгол архитекторын 6 жилийн ажил: 0.8 кВт/цаг-аар −40°С-ийг халаах шийдэл бодит болов
Ч.Батцэнгэл · 2025 · Улаанбаатар
OWNHOUSE платформ нь 2019 оноос хойш хөгжүүлж ирсэн эрчим хүчний хэмнэлттэй амины орон сууцны халаалтын системийн шинэ үзүүлэлтийг нийтэд танилцуулж байна. Зургаан жилийн туршилт, тооцооллын үр дүнд нэг цагт 4.2 кВт шаарддаг байсан халаалтын хэрэглээ 0.8 кВт хүртэл буурчээ.
2019 — Анхны загвар
4.2
кВт/цаг · халаалтын хэрэглээ
Стандарт хавтан хана, тусгаарлалт хязгаарлагдмал
2025 — Одоогийн загвар
0.8
кВт/цаг · халаалтын хэрэглээ
Давхар бүрхүүл, дулааны сэргээлтийн агааржуулалт
Тооцооллын нөхцөл: 60–80 м² амины орон сууц, гадаад −20°С, дотоод зорилтот +20°С нөхцөлд хэмжигдсэн. Байрлал, барилгын чанараас хамаарч 10–15%-ийн хэлбэлзэл байж болно.
Яагаад энэ тоо шийдвэрлэх чухал вэ
0.8 кВт/цаг бол off-grid ажиллалтын практик босго. Монголын дундаж нарны цацраг өдрийн 4–5 цаг бүрэн үр ашигтай байдаг. 4 кВт суурилуулалт бүхий нарны систем өдрийн туршид 12–16 кВт/цаг эрчим хүч үйлдвэрлэх бөгөөд халаалтад зарцуулах хэмжээ акумляторын нөөцтэй хослуулбал бодитойгоор тэнцэнэ. Энэ босгоос дээш хэрэглээтэй систем генератор эсвэл сүлжээ нэмж шаарддаг.
"Дулааны алдагдлын дөрвөн голлох эх үүсвэрийг — хана, цонх, орц, агааржуулалт — тус тусад нь шийдэх шаардлагатай байсан. Нэгийг сайжруулаад нөгөөг үл тоовол дэмий."
Дэд бүтцийн бүрэн шийдэл
Эрчим хүчний хэрэглээний асуудлаас гадна алслагдсан байршилд барилга барихад тулгардаг ус хангамж, бохир ус зайлуулалтын асуудлыг OWNHOUSE платформ "Доктор ЭКО" брэндийн бага оврын MBR — мембран биореактор — цэвэрлэх байгууламжтай хамтарч шийдсэн байна.
Барилгын эрчим хүчний гэрчилгээ · A+ ангилал · 61% хэмнэлт · TSZTI-024/M50515
Аялал жуулчлалын салбарт хэрэглэх боломж
Нарны эрчим хүч, OWNHOUSE халаалтын систем, Доктор ЭКО ус цэвэрлэгээний гурвалсан хослол нь цахилгаан, дулаан, ариун цэврийн дэд бүтцийн гурван гол асуудлыг нэг дороос шийдэж өгдэг. Монгол Улсын аялал жуулчлалын салбарт шинээр жуулчны бааз байгуулах хүн, ААН-д хот сүлжээгээс бүрэн тусдаа ажиллах боломжийг бий болгож байна.
⚡
Эрчим хүч — нарны + нөөц акумлятор
4 кВт суурилуулалт халаалт, гэрэлтүүлэг, байнгын хэрэглээг хангана. Сүлжээгээс тусдаа.
🌡️
Халаалт — 0.8 кВт/цаг OWNHOUSE систем
Дулаан тусгаарлалт, агааржуулалтын дулаан сэргээлтийн нэгдмэл шийдэл. −40°С тэсвэртэй.
💧
Ус — Доктор ЭКО MBR цэвэрлэгч
Канализацийн шугам шаардахгүй. Биологийн болон мембран шүүлтүүрийн нэгдмэл шийдэл.
📐
Зураг авхуй — ownhouse.mn платформ
Монголын норм баримтласан, барихад бэлэн загваруудыг цахимаар татаж авах боломж.
"Шинээр жуулчны баазыг хаана ч байгуулж болно — уулын хяр дээр, говийн дунд, нуурын эрэгт. Эрчим хүч, ус, дулаан — бүгд газар дээр нь шийдэгдэнэ."
Барилгын чанар, суурилуулалтын мэргэжлийн түвшин, орон нутгийн зөвшөөрлийн асуудал тус тусдаа авч үзэх шаардлагатайг платформ онцолж байна. Гэхдээ дэд бүтцийн гол гурван саад технологийн хувьд шийдэгдсэн гэж мэдэгдэж байна.
−81%
эрчим хүчний бууралт
6 жил
хөгжүүлэлт
−40°С
тэсвэрлэх хүйтэн
4 in 1
нэгдмэл шийдэл